Galicia, vívea e cóntao

Aínda que a Xunta de Galicia vén de presentar hai pouco unha campaña publicitaria para visualizar a oferta turística fóra das nosas fronteiras que leva como eslogan: Galicia, ¿me guardas el secreto?, eu convidovos- non a gardar o segredo- senón a espallalo a voces.

Paga a pena coñecer a paisaxe, a arte, a gastronomía, a cultura e as xentes dunha terra que conta cun idioma de seu, irmán do portugués e do castelán, e que goza de boa saúde, malia as presións dun mundo globalizado.

Para saber máis sobre a lingua: 

Guía aberta á lingua galega

Lingua Galega PDF

Información turística:

Turgalicia

Escoita A lavandeira da noite, interpretada por Carlos Núñez e Noa.

 Vídeo montaxe con imaxes de Galicia e música de Mercedes Peón
 

Animais doutras latitudes

A fauna dos ríos galegos está acugulada de nomes tan suxestivos como cormorán, pita da auga, andoriña do cu branco, paporrubio, picafollas, sapiño comadrón, sapo corriqueiro... e un longuísimo etc. Aínda que a miña intención inicial era deixar aquí unha mostra dela, non dei conseguido imaxes cunha calidade suficiente para realizar o exercicio. No seu lugar, velaquí animais doutras latitudes afastadas.

Wolfgang Amadeus Mozart

Johannes Chrysostomus Wolfgangus Theophilus Mozart, compositor astríaco do período clásico (Salzburgo 1756- Viena 1791), é considerado un dos músicos máis influíntes da historia da música occidental.

Aos cinco anos de idade xa era un intérpreta avanzado de instrumentos de tecla e un notable violinista e, malia a súa curta vida, legounos máis de 600 composicións, consideradas obras mestras.

As súas obras instrumentais inclúen sinfonías, divertimentos, sonatas, música de cámara para distintas combinacións de instrumentos, e concertos. As obras vogais son basicamente óperas e música de igrexa.

PDF Mozart

A seguir podemos escoitar un fragmento da súa Sonata en D. 

Outra presentación

Viaxe a Asturias

Visitar Asturias é unha experiencia marabillosa na que o viaxeiro ficará atrapado por unha natureza fascinante. Mar e montaña camiñan da man ao longo de máis de 300 km de escarpados cantís, con pequenas calas de augas frías e limpas, salferidos de viliñas mariñeiras.
Gastronomía e arte son outros bos reclamos para a visita. Velaquí algunhas imaxes que dan conta da miña última viaxe a este paraíso natural.

A primavera chega ás Fragas do Eume

A primavera tamén chegou ás Fragas do Eume e a vexetación amósase aos ollos do visitante en todo o seu esplendor. Este bosque atlántico costeiro discurre ás beiras do río Eume e constitúe un ecosistema único en Europa.

Aínda que o carballo é a árbore con maior presenza, o visitante poderá gozar da frondosa sombra de castiñeiros, bidueiros, bieiteiros, ameneiros, salgueiros, abelairas, freixos, pradairos, acivros, érbedos, loureiros, teixos e moitas outras especies galegas, algunhas delas en perigo de extinciòn. A espesura das súas pólas dificultan o paso da luz e do vento, mantendo unha humidade e temperatura case constante no chan, que crean unhas condicións idóneas para a existencia de pequenos invertebrados e unha grandísima variedade de fentos de gran valor ecolóxico.

Podemos realizar distintas rutas de sendeirismo. En cada unha delas a paisaxe é un galano para os ollos e para o espíritu.  Nos arredores tamén poderemos observar a pegada que os distintos asentamentos humanos deixaron ao longo da historia. Boa mostra deles son os mosteiros de Caaveiro e Monfero, a torre dos Andrade ou un bo número de castros, localizados todos eles nun radio reducido.